Раководство

Претседател: Д-р Бајрам Берат.
Подпретседатели:
-Касем Шабани
-Драган Неделчин
Генерален секретар: проф. Шенѓун Кадриевски.

Ние одлучивме, а ти?

Ние одлучивме, а ти?

Координација со раководството на огранокот во Струга на 24 мај 2011

Координација со раководството на огранокот во Струга на 24 мај 2011

Средба со граѓани во Крива Паланка на 21 мај 2011 за презентација на програмата на ПИР

Средба со граѓани во Крива Паланка на 21 мај 2011 за презентација на програмата на ПИР

Прием кај Претседателот Ѓорге Иванов по повод Меѓународниот ден на Ромите

Претставници на ПИР на прием кај Претседателот Ѓорге Иванов.

Прием кај Претседателот Ѓорге Иванов по повод Меѓународниот ден на Ромите

Претседателот на ПИР, Д-р Бајрам Берат со Претседателот на Република Македонија
Д-р Ѓорге Иванов

In Memoriam

Доста Димовска

17.02.1954-05.04.2011

Пријателите остануваат вечно во сеќавањата. Почивај во мир.
Македонија ќе те памети.

Претставници на ПИР поканети на коктел кај Претседателот Иванов по повод 8ми април

Донесена Декларација за унапредување на положбата и правата на Ромите

Врз основа на членот 68 став 2, а во согласност со членовите 9 и 35, како и Амандманите IV и VIII од Уставот на Република Македонија, Тргнувајќи од Декларацијата на меѓународната иницијатива Декада за вклучување на Ромите 2005 - 2015, потпишана и од Република Македонија на Конференцијата во Софија на 2 јануари 2005 година, со која се промовираат антидискриминацијата и еднаквите можности, решеноста да се стави крај на сегрегацијата на ромската заедница, како и подобрувањето на условите за живот на Ромите и нивно интегрирање, особено во четирите приоритетни области: домување, вработување, здравство и образование.

Земајќи ги предвид сите препораки на Министерскиот совет на Советот на Европа од 2000 до 2004 година за подобрување на економската, здравствена и образовна положба како и вработеност на Ромите, за унапредување на нивните човекови права и социјална состојба, како и Меморандумот на Комисијата на Европските заедници за социјална инклузија; Повикувајќи се и на Декларацијата од Стразбур за Ромите усвоена од Советот на Европа за време на претседателството на Република Македонија од 20 октомври 2010 година; Почитувајќи ги целосно Милениумските развојни цели на ООН како и кодексот на меѓународни акти за правата на човекот; Оценувајќи го изразито позитивно нормативното уредување на правата на Ромите во Република Македонија каде се вклучени во Преамбулата на Уставот, но и во сите нивоа на одлучување на национално и локално ниво, создавајќи рамка за целосно интегрирање во сите општествени текови; Следејќи ги состојбите со Ромите во поглед на нивната материјална положба и услови на живеење, но и на остварувањето на нивните права во нашата земја и во другите земји каде што живеат, среќавајќи се со многу предизвици; Собранието на Република Македонија, на седницата одржана на 01.04.2011 година донесе:

ДЕКЛАРАЦИЈАЗА УНАПРЕДУВАЊЕ НА ПОЛОЖБАТА И ПРАВАТА НА РОМИТЕ

1. Собранието ги поттикнува Владата и државните органи, граѓанскиот сектор, здруженија и фондации, органите на локалната самоуправа, стопанските субјекти, научните и културни установи и медиумите во Републиката на натамошни зајакнати и ефикасни мерки и политики за унапредување на правата и општествената и економска положба на Ромите и ромската заедница во земјата.

2. Собранието е убедено дека се неопходни дополнителни настојувања и мерки за ефикасна и координирана имплементација на Националната стратегија за Ромите во Републиката во сите сегменти на економскиот и општествениот живот, а посебно во следниве сектори: домување, вработување, образование, здравство, социјална помош и заштита, заштита на човековите права и прашањето на дискриминација, култура, медиуми, жената Ромка и нејзините специфични проблеми, како и политичка партиципација. Овие настојувања и мерки треба да се ускладат со усвоените развојни политики, како и со евро-интеграциската стратегија на земјата.

3. Собранието смета дека развојните и стопанско-инвестициските проекти во државата, вложувањата во здравството и образованието, во комуналната инфраструктура, станбена изградба и квалитет на живот треба да се усвојуваат секојпат уважувајќи ја компонентата и политиката на унапредување на положбата на Ромите.

4. Собранието ги повикува и другите парламенти на европските земји, членки на Советот на Европа и ОБСЕ да се определат за заедничка борба против сегрегација и дискриминација на Ромите или која и да е друга групација врз основа на нејзината културолошка припадност.

5. Оваа Декларација ќе се достави до Владата на Република Македонија, органите на единиците на локална самоуправа, стопанските комори, универзитетите, здруженијата на невладините организации во Република Македонија, медиумите, Европскиот Парламент, до Советот на Европа, ОБСЕ, како и до Обединетите Нации.
6. Оваа декларација ќе се објави во „Службен весник на Република Македонија“.

ОБРАЗЛОЖЕНИЕ

Комисијата за политички систем и односи меѓу заедниците како матично работно тело на Собранието на Република Македонија, на седницата одржана на 29 март 2011 година ја разгледа Предлог Декларацијата за унапредување на положбата и правата на Ромите и поднесе амандман на Преамбулата, за додавање нов став 4 по став 3. Овој амандман Комисијата едногласно го усвои.

Законодавно-правната комисија на седницата одржана на 29 март 2011 година ја разгледа Предлог Декларацијата за унапредување на положбата и правата на Ромите и го разгледа и усвои амандманот поднесен од Комисијата за политички систем и односи меѓу заедниците. Овој амандман е вграден во Дополнетиот предлог на Декларацијата за унапредување на положбата и правата на Ромите.

Презентација на ПИР

ОПЕ бара неразумна оставка од претставникот на Ромите во ДПК

Скопје, 18 февруари - Обединетата партија за еманципација – ОПЕ бара претставникот на нивната малцинска заедница во Државната пописна комисија да даде оставка заради манипулацијата на Ромите за престојниот попис на населението, домаќинствата и становите во Македонија.

Според ОПЕ, нелогична е методологија на Државната пописна комисија во врска со објавениот јавен оглас за попишувачи.„Во општина Шуто Оризари има оглас за 24 попишувачи Роми, а според пописот од 2002 година се евидентирани близу 23.000 жители Роми, а во општина Кривогаштани има оглас за 40 попишувачи Роми, каде според последниот попис од 2002 година има само осум жители Роми“, велат од ОПЕ. ОПЕ побара измена на сегашната методологија за избор на попишувачи, како и оставка од претставникот Ром во Државната пописна комисија, кој дозволил и се согласил со таквата нелогична методологија.

Сојузот на Ромите не се согласува со обвинувањата од Обединетата партија на Ромите, објаснувајќи дека тие ќе имаат соодветна етничка застапеност како попишувачи на наредниот попис на населението во Македонија.„Методологијата за избор на попишувачи се носи врз основа на закон, а министерот без ресор, кој е член на Владата, можел навреме да реагира. Тука е грешката, што тој не реагирал на владина седница“, тврди членот на Сојузот на Ромите и заменик министерот за правда, Ибрахим Ибрахими за „Журнал.мк“.

Според претседателот на Партијата за интеграција на Ромите, Д-р Бајрам Берат, не е можно министер без ресор во Владата на Груевски, кој не бил активен при носење на законот, сега да бара оставка од дипломиран правник, човек со огромно искуство и борец за човекови права.„Не е вкусно министерот да навредува и да не се запраша кој го донел тој закон и дека тогаш, тој седел, ништо не слушал и работел, а земал плата“, обвинува Берат.

Македонија се наоѓа на раскрсница кога одлучува за својата иднина и според Берат, лошо е во такви ситуации, „луѓето што седат во кожни министерски фотелји, не познавајќи ги законите, да критикуваат луѓе кои не гласале за законот“.

Државната пописна комисија ја утврдува методологијата на попис врз основа на законот. „Законот за попис е донесен меѓу коалиционите партнери каде што сите ромски политички партии се дел од владејaчката коалиција. Законот се дебатира на владина комисија, на седница на Влада, на собраниска комисија и во Собрание. Тогаш, ромските министри и парламентарци имале право да дебатираат, да се спротивстават или да го потврдат веќе донесеното законско решение“, вели посочениот член на ДПК од ромската етничка заедница.Тој тврди дека методологијата не е апсолутна штетна за ромската заедница поради тоа што учеството на ромските попишувачи, ромските реонски инструктори и на ромските членови на реонските пописни комисии, е многу повисоко, во бројки и проценти од застапеноста на ромската заедница во Македонија.„Методологијата не е штетна, туку дава повеќе можност за вклучување на ромската заедница во пописните структури“, тврди членот на ДПК.

Ливија Јарока: Ромите во Европа се невидлива сиромаштија, која Европските фондови не ја забележуваат

Со оглед на фактот дека дури 12 милиони Роми во Европа продолжуваат да се соочуваат со сегрегација и интергенерациска сиромаштија во ЕУ, Унијата е во потрага за паневропски решенија. Европската стратегија за Роми е приоритет за Унгарија како претседавач на ЕУ, напомена Ливија Јарока кaко единствената Ромка член на Европскиот парламент. Оваа 36-годишна унгарска европратеничка подготвува извештај за стратегијата која ќе им овозможи на Европа да го употреби на неискористен потенцијал на Ромите.

“Во Европа има и невидлива сиромаштија, но сепак сеуште не е виден од страна на европските фондови’’ напоменува европратеничката од Унгарија, Ливија Јарока.

Чарли Чаплин бил Ром

Тајното писмо за местото на раѓање на Чарли Чаплин конечно ја здогледа светлоста на денот. Во овој значаен документ се наведува дека славниот комичар лажел за своето потекло и наводно тој е роден во ромски караван.

Податоците кои Чаплин ги навел во своите мемоари, дека е роден на 16-ти април 1889 година во Лондон не се вистините, бидејќи во пронајдениот документ пишува дека тој всушност е роден во караван во градот Сметвик, во близина на Бирминген во централна Англија.

Писмото било испратено од извесен Џек Хил од Тамворд кој во него открива дека за потеклото на славниот актер дознал од својата тетка.

-Караванот и припаѓаше на ромската кралица, која е моја тетка. Роден си во „Black Patch“ во Сметвик, во близина на Бирминген, напишал Хил.

Според тврдењата на Џек Хил, мајката на Чаплин Хана, со моминско име Хил, била помоток на „џуџесто“ семејство. Работела како пејачка и актерка под уметничко име Лили Харли, а го оставила својот сопруг Чарли, кога малиот Чарли имал три години.
Поради што познатиот комичар го криел своето потекло?

Во Кочани започна проект за образование на возрасни Роми

Во Кочани денеска започна со реализација проектот „Образованието прозорец кон иднината“ наменет за образование на ромската популација во општината.

Договорот го потпишаа преставници на Општина Кочани, Ромскиот едукативен фонд преку невладината ромска организациоја „Светла иднина“. Проектот кој ќе трае до крајот на 2011 година финансиски го помогнаа Ромскиот едукативен фонд со 12 илјади евра, а со поддршка на општината Кочани, Целта е дооформување на образованието на возрасни од ромската националност во општина Кочани.

Според првичните податоци во проектот ќе бидат опфатени 82 лица, од кои 22 во средното образование, а останатите во основното образование.