Rrugipe e dajaqe

O, Daje, merav tuqe, ma bian mand
Pànda isi vaxt vaś moro bianipe
Ma te dikhav odova dud
So manqe na dudlǎrla ćaćikane

O, Daje, ka avav xari maj zabades.
Ov sarbarr!

Na xovavav tut, daj!e,
Sium toro ćhavo!

O, Daje, ma bian mand
Na kamàma te biǎndǒvav
Na kamàma te barǒvav
Na kamàma te śunav
Sar o ćaćipe
Ovèla xovaipe.

O, Daje,
Phand mand an-i phandlin
Odothe te siklǒvav
O ćaćipe
O kamipe maśkar-o manuśa
I gili
Thaj i ćhib Rromani

Atoska ka avav!
O, Daje!

Taro Kujtim Pacaku, Pirzen 2003