Претседателски и локални избори, 2009 година

Централен митинг на ВМРО и Коалицијата За подобра Македонија во Скопје на 15 март 2009 година

Говори на Д-р Берат на претседателските и локални избори 2009

Претседателот на ПИР, Д-р Берат ќе има јавни говори на следните митинзи како дел од Коалицијата "За подобра Македонија".

Д-р Берат ќе држи говори во следните градови:

Датум	Почеток	Град
06-03-2009	20:00	Кичево
14-03-2009	20:30	Крива Паланка
16-03-2009	17:30	Делчево
17-03-2009	21:00	Куманово
18-03-2009	17:00	Ресен

Интервју за ББС радио

Претседателот на ПИР, Д-р Берат дава изјава за ББС радио

Rrugipe e dajaqe

O, Daje, merav tuqe, ma bian mand
Pànda isi vaxt vaś moro bianipe
Ma te dikhav odova dud
So manqe na dudlǎrla ćaćikane

O, Daje, ka avav xari maj zabades.
Ov sarbarr!

Na xovavav tut, daj!e,
Sium toro ćhavo!

O, Daje, ma bian mand
Na kamàma te biǎndǒvav
Na kamàma te barǒvav
Na kamàma te śunav
Sar o ćaćipe
Ovèla xovaipe.

O, Daje,
Phand mand an-i phandlin
Odothe te siklǒvav
O ćaćipe
O kamipe maśkar-o manuśa
I gili
Thaj i ćhib Rromani

Atoska ka avav!
O, Daje!

Taro Kujtim Pacaku, Pirzen 2003

Te ovàvaj

Te ovavàj baro pani,
Kaj te murdav sarkon jag,
Sarkon jag,
Sarkon dukh.

Te ovavàj baro pani,
Kaj te peravav sa o barǎ,
Kola ćhinen e mestinǎqo drom.

Te ovavàj baro pani,
Kaj te ćalǎrav sa e sundalesqe umalǎ,
Pherde giva,
Aj te xas manro khetane,
Hem me,
Hem tu...

Taro Kujtim Pacaku, Pirzen 2003

Maj zoralo vaś jekh meripe

Śun,
Ma bistar,
Sa so isi tal-o ćeri
Niso na mèrla!

Ni an-o Jasènovco
Na an-o Birkenau
Ni an-o Mauthauzen
Ni....
Nikote!

Tu, so mudarèja
Tiri viktìma isi maj zorali tuθar
Vaś jekh meripe
Jekh gili
Vaś jekh seripe

O asvaja na thàvd'na e daraθar
Numaj e phage ilosθar
Odolesqe so o meripe ovèla biz-o aćarutno rituàlo

I història jekh dive ka putrel o lila
Akava isi o savaxtuno meripe

Śun,
Thaj ma bistar,
Tiri viktìma isi maj zorali tuθar
Vaś jekh meripe
Vi odova - vuźo meripe

Numaj, tere vasta
Ka aćhon savaxt ratvale
Thaj ka oven pakǎrde
Ano tere mulesqo bivuźipe

Taro Kujtim Pacaku

Ov sar amen

Te sine kaj bistardǎn
Te phire an-o tang veśa,
Te kere lìndra kuz-o bare lenǎ,
Te Ŵangadǒve thaj te lośalove e neva detherinǎqe

Te sine kaj bistardǎn
Te gilave, vi odoja var kana rovèlape tuqe,
Te khele vi phage prençar,
Te de kamipe, vi odoja var kana na irandǒla tuqe

Te sine kaj bistardǎn sa akala

Odoja var av' amençar,
Ov sar amen...

Ov amen...


Taro Kujtim Pacaku

Me

Me sium manuś
Me sium plain
Me sium len

Me sium Gangesqo manuś
Gang, len devlikani

Me sium sung
Me sium amal
Me sium Rrom

Sium ćhavo e KanauŴesqo
Sovàva tal-o Himalàje vaj tal-o Śàrri
thaj ini sakote.

Sium - Me!


Taro Kujtim Pacaku

I rang

Sosqe daras,
Sosqe garavdǒs,
LaŴas kotar tara morthǎqi rang?

Rroma
Kerdǎ amen o Devel,
Sar tut,
Sar man,
Sar, vi, olen.

Tal tara morthǎqi rang
Garavdi isi tut jekh devlesqi kustik,
Andra toro ilo.

Odolesqe,
O śero upre!

Taro Kujtim Pacaku, Pirzen 2003

O drom amaro

Mìe aj mìe berśençar amen phirdǎm
Maxrume ilěn
Amaro rat tatǎrdǎ

Tiri dukh pinŴàrna
O derǎva, o plaja, o barra thaj i ćar
Kotar-o Himalàje
Kotar-o Gang

Anda sakoj rig, kaj te frdel amen akava drom
Jekh kham isi amençar!
O drom amaro mothovèla

Jekh kham
Jekh drom
Jekh sel

Taro Kujtim Pacaku, Pirzen 2003